လူပေါင်း ကိုးရာကျော် အစုလိုက် အပြုံလိုက် သတ်သေမှုကြီး

 အခုပုံဟာ 1978 နိုဝင်ဘာလ ၁၈ ရက်နေ့က ရိုက်ကူးခဲ့တဲ့ ဓာတ်ပုံဖြစ်ပြီး တောင်အမေရိက Guyana နိုင်ငံ မြောက်ပိုင်းက People Temple ဆိုတဲ့ Religious cult အဖွဲ့က အဖွဲ့ဝင်တွေရဲ့ဓာတ်ပုံဖြစ်ပါတယ်။

.

People Temple ကို Jim Jones ဆိုသူက ဦးဆောင်ပြီး အဖွဲ့ဝင်တွေအများစုဟာ အမေရိကန်နိုင်ငံသားတွေဖြစ်ပါတယ်။

.

ကွန်မြူနစ်ဆန်တဲ့ ယုံကြည်မှုကို အခြေခံပြီးဖွဲစည်းထားတဲ့ အဖွဲ့အစည်းတစ်ခုဖြစ်ပါတယ်။

.

သူတို့အဖွဲ့ဝင်တွေဟာ Jonetown ခြံဝန်းကြီးထဲမှာ စိုက်ပျိုးရေးတွေအတူတူလုပ်ကြ အတူတူစားကြ ပြီး အရွယ်ပေါင်းစုံ ယောကျာ်းမိန်းမအစုံ အတူတကွနေထိုင်ပါတယ်။

.

၁၉၇၃ လောက်ကတည်းက စတင်တည်ထောင်ခဲ့တာဖြစ်ပြီး နောက်ပိုင်းမှာ သူတို့နဲ့ ယုံကြည်ချက်တူသူ အမေရိကန်များ လိုက်လာခဲ့ပြီး အဖွဲ့ဝင်တွေတဖြည်းဖြည်းများ လာခဲ့ပါတယ်။

.

အဲဒီနောက်မှာတော့ အလုပ်အကိုင် အတင်းအကြပ်စေခိုင်းမှု လူအခွင့်အရေးချိုးဖောက်မှု စတဲ့မကောင်းသတင်းတွေထွက်လာခဲ့ပါတယ်။ အဆိုးဆုံးကတော့ ခေါင်းဆောင် Jim Jones က ဘယ်သူ့ကိုမှ အဖွဲ့ကနေ ရော အဲဒီခြံဝန်းကြီးထဲကနေပါပေးမထွက်ပဲ အမြဲ လက်နှက်ကိုင်အဆောင့်တွေနဲ့ စောင့်ကြပ်နေတယ်ဆိုတဲ့သတင်းပါပဲ။

.

အဲဒီသတင်း တွေထွက်လာတဲ့အခါ အခြေအနေတွေကို စုံစမ်းဖို့ အမေရိကန်လွတ်တော်အမတ် Leo Ryan ဟာ Jonestown ကို ၁၉၇၈ နိုဝင်ဘာ ၁၇ ရက်နေ့မှာ အလည်လာခဲ့ပြီး အပြန်မှာလူအချို့ကို အမေရိကန်နိုင်ငံကိုပြန်ခေါ်သွားခဲ့ပါတယ်။

.

ဒါပေမယ့် အဲဒီကအပြန် လေဆိပ်မှာပဲ လွတ်တော်အမတ် Ryan ကို People Temple အဖွဲဝင်အချို့ လိုက်လာပြီး သေနတ်နဲ့ပစ် လုပ်ကြံသတ်ဖြတ်ခဲ့ပါတယ်။ လုပ်ကြံသတ်ဖြတ်မှုမှာ အမေရိကန်လွန်တော်အမတ် Ryan အပါအဝင် လူ ငါးယောက်သေဆုံးခဲ့ပါတယ်။

.

အဲဒီနေ့မှာပဲ Jim Jones နဲ့ ကျန်တဲ့ အဖွဲ့သားတွေဟာ သူတို့ အဖွဲ့ကို အမေရိကန်အစိုးရက အင်အားသုံး ဖြိုခွဲလာမှာကို စိုးရိမ်ပြီး ဆုံးဖြတ်ချက်တစ်ခုကိုချခဲ့ပါတယ်......

.

ပုံမှာဆိုရင် အကျင်္ ီနက်ပြာဝတ်ထားပြီး နေကာမျက်မှန်တပ်ထားသူဟာ ခေါင်းဆောင် Jim Jones ပါ။ သူတို့သောက်နေတဲ့ ခွက်ထဲက အရည်တွေကတော့ ဆိုင်ရန်နိုက် အဆိပ်ခပ်ထားတဲ့ စပျစ်ဖျော်ရည်တွေဖြစ်ပါတယ်။

.

အဲဒီနေ့မှာပဲ People Temple အဖွဲ့ဝင် 912 ယောက်တို့ဟာ အဆိပ်သောက်ပြီး ကိုယ့်ကိုယ်ကိုသတ်သေခဲ့ကြပြီး သေဆုံးသူတွေထဲက 276 ယောက်ဟာ ကလေးငယ်တွေဖြစ်ပါတယ်။

_________________________________________________________________________________