ဂရိဒဏ္ဏာရီထဲက သတ္တဝါကြီးများ

 The Sphinx

Sphinx ဟာ လူသားမိန်မဦးခေါင်း ခြင်္သေ့ကိုယ် သိမ်းငှက်အတောင်ပံ နဲ့ သတ္တဝါဖြစ်ပါတယ်။ Sphinx ကိုတော့ သူရဲကောင်း Oedipus နဲ့တွဲဖက်ပြီး အသိများပါတယ်။ ပုံပြင်ထဲမှာတော့ Oedipus ဟာ Thebes မြို့ကိုအသွာလမ်းမှာ Sphinx ကလမ်းမှာတားပြီး စကားထာ သုံးခုကိုမေးခဲ့ပါတယ်။မဖြေနိုင်ရင်လက်သည်းနဲ့ကုတ်သတ်မှာပါ။ အဲဒီထဲကတစ်ခုက မနက်မှာခြေလေးချောင်း နေ့လည်မှာခြေနှစ်ချောင်း ညမှာခြေသုံးချောင်း နဲ့သွားပြီး ခြေချောင်းများလေ အားနည်းလေ အဲဒါဘာလဲတဲ့။ အဖြေကိုသိကြလားဗျ။ သိရင်အောက်ကကောမန့်မှာ ရေးသွားဦးနော။ Odeipus ဟာအဖြေကိုမှန်ကန်အောင်ဖြေခဲ့တဲ့အတွက် Sphinx ဟာဂျောက်ထဲကိုခုန်ချ ပြီးသေသွားခဲ့ပါတယ်။

________________________________________________________________________

The Cyclop

ဂရိဒဏ္ဏာရီထဲက မျက်လုံးတစ်လုံးထဲရှိတဲ့ cyclop တွေဟာ ကမ္ဘာဦးသတ္တဝါကြီးများဖြစ်ပြီး ကမ္ဘာ/မြေကြီး နတ်သမီး Gaia ရဲ့သားများဖြစ်ပါတယ်။ အင်မတန်သန်မာပြီး ရက်စက်တတ်တဲ့ သတ္တဝါတွေဖြစ်ပါတယ်။ သူတို့ရဲ့ခွန်အားကြီးမားမှုကြောင့် တစ်နေ့မှာ ပုန်ကန်လာမှာကိုစိုးရိမ်ပြီး ဖခင် Uranus (Uranus ဟာ Gaia ရဲ့သားဖြစ်သလိုခင်ပွန်လည်းဖြစ်ပါတယ်။) ဟာ သူတို့ကို Tartarus တွင်းထဲမှာချုပ်နှောင်ခဲ့ပါတယ်။ နောက်တော့သူတို့ကို နတ်ဘုရားဇုက လွတ်ပေးခဲ့ပြီး အပြန်အလှန်အနေနဲ့ ဇု အတွက် မိုးကြိုးလက်နှက်ကို ပြုလုပ်ပေးခဲ့ပါတယ်။

___________________________________________________________________________

The Echidna

Echidna ကို mother of all monsters လည်းလူသိများပါတယ်။ ဂရိဒဏ္ဏာရီထဲက monster အများစုဟာ သူမရဲ့မျိုးဆက်တွေဖြစ်ပါတယ်။ အပေါ်ပိန်းဟာ ချောမောလှပတဲ့ မိန်းမပျိုတစ်ဦးဖြစ်ပြီး အောက်ပိုင်းကတော့ မြွေခန္ဓာကို ရှိသူပါ။

________________________________________________________________________

Typon

Typon ကို father of monster လို့လည်းခေါ်ပါတယ်။ Gaia နဲ့ Tartarus တို့မှမွေးဖွားခဲ့ပြီး ကမ္ဘာပေါ်မှာ အရက်စက်ဆုံးသော သတ္တဝါကြီးအဖြစ်သတ်မှတ်ထားပါတယ်။ သူမတ်တတ်ရပ်လိုက်ရင် ခေါင်းဟာ ကြယ်တွေနဲ့တောင်ထိနေပါသတဲ့။ သူအတောင်ကြီးတွေဖြန့်လိုက်ရင် နေရောင်ကိုတောင်မမြင်နိုင်ဖြစ်သွားပါတယ်။ typon ဟာ စွမ်းအားကြီးလွန်းလို့သူ့ကို ယှဉ်နိုင်တာဆိုလို့ နတ်ဘုရား ဇု တစ်ဦးသာရှိပါတယ်။

___________________________________________________________________________________________________

The Chimera

နောက်ထပ် ဂရိဒဏ္ဏာရီထဲက သတ္တဝါတစ်ကောင်ကတော့ ရက်စက်ကြန်းကြုတ်တတ်တဲ့ Chimera ဖြစ်ပါတယ်။ မီးမှုတ်တတ်ပြီး ခြင်္သေ့ ဆိတ် နဲ့ မြွေ ခေါင်းသုံးလုံးရှိပါတယ်။ Chimera ဟာ Shpinx ရဲအမေလည်းဖြစ်ပါတယ်။

_____________________________________________________________________________________________________

The Hydra

Hydra ဟာမြွေသဏ္ဏန်ရှိတဲ့ ရေသတ္တဝါကြီးဖြစ်ပါတယ်။ အဆိပ်မှုတ်ထုတ်နိုင်ပြီး ရှုမိရင် ချက်ခြင်းသေနိုင်ပါတယ်။ ခေါင်းများစွာရှိပြီး တစ်လုံးပြတ်ရင် နှစ်လုံးပြန်ပေါက်ပါတယ်။ လူစွမ်းကောင်း ဟာကျူလီဟာ Hydra နဲ့တိုက်ခိုက်တဲ့အခါ နှာခေါင်းမျက်နှာတို့ကိုအဝတ်နဲ့ စည်းပြီးတိုက်ခိုက်ခဲ့တာပါ။ ခေါင်းတွေဖြတ်ရင်းပွားပွားလာတဲ့အတွက် ဖြတ်လိုက်တဲ့ အရင်းတွေကို မီးရှို့တိုက်ခိုက် အောင်မြင်ခဲ့ပါတယ်။

___________________________________________________________________________________________

Cerberus

Cerberus ဟာ underworld ရဲ့ ဝင်ပေါက်ကိုစောင့်တဲ့ ခေါင်းသုံးလုံး ခွေးကြီးဖြစ်ပါတယ်။ သူ့အနားကပ်လာသမျှ သတ်ရှိသတ္တဝါတွေကို စားသောက်တတ်ပြီး သေဆုံးပြီးသား ၀ိဉာဉ်တွေကိုသာ ဖြတ်သန်းသွားလာခွင့်ပြုပါတယ်။ သူရဲကောင်းဟာကျူလီကတော့ လက်ဗလာနဲ့ နပန်းဝင်လုံး အရှင်ဖမ်းပြီး ဘုရင် Eurystheus ကိုလက်ဆောင်ပေးခဲ့ပါတယ်။

_______________________________________________________________________________________________

Medusa

အင်မတန်ချောမောလှပပြီး လူတစ်ပိုင်း မြွေတစ်ပိုင်းသတ္တဝါဖြစ်ပါတယ်။ သူမရဲ့ဆံပင်ဟာ သက်ရှိမြွေတွေဖြစ်ပြီး သူမျက်လုံးနဲ့ကြည့်မိတဲ့သူတိုင်းဟာ ကျောက်ရုပ်ဖြစ်သွားပါတယ်။ Perceus ကတော့သူရဲ့ဒိုင်းကတဆင့် အရိပ်ကိုကြည့်ပြီး သူမရဲဦးခေါင်းကိုဖြတ်ယူနိုင်ခဲ့ပါတယ်။

_______________________________________________________________________________________________